Inicio > Uncategorised > Conciertos solidarios ‘DeGustar” harmonizaos con sidre
Uncategorised

Conciertos solidarios ‘DeGustar” harmonizaos con sidre

Les gales cellebraránse esta fin de selmana y tienen comu oxetivu collaborar en proyeutos de desendolcu.

LA SIDRA.- Mañana vienres van escomenzar los conciertos solidarios ‘DeGustar”, entamaos pola Orquesta de la Cámara de Sieru en collaboración cola Fundación que preside’l xef José Andrés, World Central Kitchen.

Los conciertos celebraránse esta fin de selmana en Xixón, La Felguera y Uviéu y tienen comu oxetivu recaldar fondos pal proyeutu ‘Vínculos’ qu’esti añu visita Haití y República Dominicana, en collaboración tamién col Padre Ángel.

La orixinalidá d’estos conciertos ye que nel entemediu de la interpretación de pieces de Mozart y Beethoven va realizase una degustación de productos asturianos harmonizaos con sidre.

Na iniciativa collaboren les empreses asturianes Sidre Trabanco, Fuensanta, Quesería Alcares, Quesería Rey Silu y Croqueta y presumida, amás de Gustatio na cordinación y comunicación del eventu, toes elles de forma altruista.

Les entraes puen alquirise al preciu solidariu de 12 € pa Xixón y 10 € pa La Felguera al traviés de www.entradas.liberbank.es, mentes que nel Auditoriu d’Uviéu la entrada va ser llibre con donativo voluntariu.

P’aquelles persones que nun puedan allegar pero quieran collaborar na iniciativa afayóse una cuenta nel Banco Sabadell 0081 5478 60 0001042507.

Les feches van ser les siguientes: Vienres 20, 22:30 h, Sala de Pintures de Llaboral. Sábadu 21, 12 de la nueche. Nuevu Teatru de La Felguera. Domingo 22, 12:30 h, Sala de Cámara del Auditoriu d’Uviéu. 

 

 

 

 

(Visited 1.226.795 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies