Inicio > Eventos > Comadres, con sidre en Tierra Astur
EventosGastronomía

Comadres, con sidre en Tierra Astur

El chigre asitiáu en Cualloto entama estremaes actividaes pa cellebrar el tradicional festexu asturianu

LA SIDRA.- El chigre Tierra Astur Águila, en Cualloto, cellebrará mañana xueves 2 a les 21.30 hores un show y el conciertu de Charly Teibol na espicha Comadres “Xunto colos meyores platos de la cocina de Tierra Astur en formatu espicha, la sidre asgaya espichada dende’l tonel y la música en direutu, el chigre ufre tresporte gratuitu ente Uviéu y Cualloto con un bus que fai un únicu trayeutu de día y otru de revolvía, dambos fasta completar aforu” siñalen dende la organización.

La espicha, como manda la tradición, serviráse pa esfrutar de pie. Nella podrán prebase los sos clásicos bollos de Comadres, o les tortielles de Comadres, xunta con otros platos famosos de Tierra Astur, como llingua de gochu astur de castaña embutía, tortos con revueltu de picadiellu de xabalín, chipirones fritos, costielles a la parriella o filetes empanaos. Too ello acompangao con sidre natural direutamente espichao del tonel.

Pa la fiesta darréu a la espicha tradicional asturiana, nel chigre cuntarán cola actuación de Charly Teibol, famosu animaor y músicu asturianu “que convertirá n’inescaecible una nueva Folixa de Comadres”.

 

(Visited 571.305 times)

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies