Inicio > Chigres > Casa Segundo, tastu y tradición nel platu y na botella
ChigresChigresEncamientosEncamientosLlagares

Casa Segundo, tastu y tradición nel platu y na botella

Volvemos con un clásicu, la fabada, porque por muncho que se diga nun hai platu que meyor resuma’l calter de la cocina asturiana; pero ye importante saber ónde la prebar pa que tea en so puntu, nin mui graso nin escaso de compangu, abondoso en cantidá y xeneroso en calidá.

Poro, ca ciertu tiempu señalamos dalguna sidrería onde la preparen especialmente bien, pa que seya fácil acertar.

Nesti casu el llugar encamentáu ye tamién un clásicu en sigo mesmu: la cocina de Casa Segundo tien sonadía polos sos guisos y polos sos platos de cuyar, pente los que la fabada ye la estrella. Tamién ye famosa la so tortiella patata, pero esa dexámosla pa otru díi y acompangamos les fabes con una cenciella ensalada.

Por supuestu, tou ello con unes botelles de Sidra Segundo. Nun podemos escaecer el plus qu’implica tar nel comedor d’un llagar: la sidre de casa, servío a un pasu del llugar onde se maya, ye garantía de calidá.

Atención, abre namás de vienres a domingu.

Casa Segundo – Camin de les Quintes, 231, Cefontes. Xixón T. 985 33 36 32

 

(Visited 1.227.739 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies