Inicio > Internacional > Avalon de Sidre Trabanco premiada nel Beer Festival Budweis
InternacionalLlagaresTasties

Avalon de Sidre Trabanco premiada nel Beer Festival Budweis

El “Gold Brewer’s Seal Award” ye ún de los concursos europeos más veteranos y de mayor prestíu na República Checa. Na edición de 2018 reconocieren con una mención especial la sidre Avalon na categoría de Sidre Tradicional.

LA SIDRA.- Avalon ye una sidre en botellín desendolcada pol Grupu Trabanco que se consume de forma asemeyao a la cerveza. Ye una sidre natural, ellaborada de magar variedaes de mazana amargues, ácides y dulces collechaes y seleicionaes por Trabanco nes sos propies pumaraes. Una sidre mozo, afrutiao y de baxa gradación alcólica. Perafayaíza pa consumir en momentos d’ociu. La tendencia xeneralizada de consumu de la sidre a nivel internacional ta xirando a esti formatu de consumu.

Los premios otórguense tres una tastia anónima onde espertos cerveceros, sidreros y sumilleres independientes valoren los productos baxo un estrictu control y supervisión d’entidaes de certificación del seutor. La ciudá České Budějovice (Budweis) ye la capital checa de la cerveza, esta bébora cunta con una gran tradición y popularidá. Nel concurus iscribiérense 222 empreses cerveceres y sidreres de 18 países: República Checa, Eslovaquia, Alemania, Austria, Reinu Xuníu, Asturies, Kazajistán, Bélxica, Paises Baxos, Rusia, Eslovenia, Polonia, Hungría, Ucrania, Israel, Irlanda, EEXX y Xapón. Los tastiaores valoraron la calidá de más de 1.000 producgtos y entregáronse más de 90 premios.

El XXVIII INTERNATIONAL BEER FESTIVAL BUDWEIS 2018 ta entamáu pol Ministeriu d’Agricultura de la República Checa, Ministeriu d’Industria y Comerciu de la República Checma, la ciudá estatutaria de České Budějovice, Rexón de Bohemia del Sur, Cámara Económica, Cámara Alimenticia y Cámara Agraria de la República Checa, Univesidá Agrícola Checa de Praga, Escuela Superior Quimico-Teunolóxica de Praga, Universidá de la Bohemia del Sur de České Budějovice, Escuela Superior Téunica y Económica de České Budějovice.

(Visited 166.878 times)

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies