Inicio > Sin categoría > Convivencia ente les DOP’s de sidre y vinu
Sin categoría

Convivencia ente les DOP’s de sidre y vinu

L’oxetivu foi l’intercambiu esperiencies ente dambos conseyos reguladores y la xunta tuvo llugar en Cangas

LA SIDRA.- La primer xornada de convivencia ente los Conseyos Reguladores de la DOP Sidre de Asturies y de la DOP Vinu de Cangas tuvo como oxetivu intercambiar esperiencies ente les dos Denominaciones d’Orixe Protexíes asturianes.

El Conseyu Regulador DOP Cangas exerció de anfitrión del alcuentru de dambos colleutivos cola idega de consiguir un venceyu d’hermandá y conocer de primer man la forma de proceder del seutor vitivinícola d’Asturies.  Demientres esta visita, los llagareros y productores tuvieron la oportunidá de conocer los procesos d’ellaboración carauterísticos de la DOP Cangas escomenzando pola visita a dellos viñeos de la fastera onde-yos mostraron les singulares carauterístiques d’estes esplotaciones y les normes qu’apliquen a la producición de la uva destinao a esta DOP.

Darréu, rializáronse visites guiaes a les bodegues Monesteriu de Corias y Antón Chicote onde s’afondó na conocencia de los procesos d’ellaboración del vinu cangués, tanto na so variedá tintu como blancu. La visita remató con una comida de confraternización de dambos seutores ónde’l vinu de Cangas y la Sidre d’Asturies fueron los braeros protagonistes.

 

(Visited 1.085.574 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies