Inicio > AS > Noticies > Bonos deseyos pa 2017
Noticies

Bonos deseyos pa 2017

Demientres xineru vamos dir conociendo cuálos son les aspiraciones d’asociaciones, llagareros, miembros de l’alministración y partíos políticos pa la sidre.

LA SIDRA.- Escomienza l’añu y toos esperamos qu’esti 2017 seya prósperu pa la cultura sidrera. Dende esti mediu de comunicación entruguemos a distintes asociaciones, istituciones, miembros de l’alministración, partíos políticos y organismos venceyaos al seutor cuálos son los sos deseyos pa la sidre y qué proyeutos quien poner marcha. Dende esta ueb diremos facer llegar demientres el mes de xineru p’asina enllenamos d’ánimu y bones intenciones.

 

José Manuel Riestra, presidente de la Sidre de Mazana Seleicionao: “El principal deséu, ensin dulda, ye que tolos axentes que formamos parte del seutor collaboremos en treslladar al consumidor la importancia de valorar una sidre de calidá. Esto implica una gran responsabilidá por parte de toos. De los collecheros de mazana, ufiertando una materia prima de calidá; de los llagareros, ellaborando una sidre de restallu y calteniendo vives les tradiciones y saber faer de los nuesos antepasaos; de los hosteleros, curiando la sidre y ufiertando un serviciu de calidá y reconocíu; de les Alministraciones, favoreciendo ya impulsando el desendolcu del seutor. Y del consumidor, que tien de reconocer la importancia de desixir un productu de calidá, sirvíu nes meyores condiciones y por profesionales que sepan tratar, curiar, acoricar la sidre.

A esto xuniráse una nueva collecha 2017 estrenada con “sidre sobro la madre”, una sidre nuevo, ensin trasegar, que presentamos dende va dellos años al entamu de la collecha. L’acoyía del públicu ta siendo tou un ésitu… y amás ye un proyeutu que contribúi a recuperar l’antigua tradición de que la primer sidre del añu seya una sidre ensin trasegar. Y, por supuestu, vamos siguir collaborando con aiciones sociales y, especialmente, na investigación pa la cura del cáncanu”.

Enrique Tuya, coordinaor del Campionatu Oficial d’Echaores d’ Asturies: “Qu’el mundiu y la cultura de la Sidre seyan reconocíos como merecen.  Un espaciu pal echáu de sidre nel Muséu de la Sidre, ‘El rincón del echaor. Cola Xunión de tolos estamentos podráse. La cultura asturiana nun puede esapaecer. ¡Feliz añu 2017!”

(Visited 671.134 times)

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies