Inicio > AS > Eventos > 18 Preba de Gascona
Eventos

18 Preba de Gascona

Esti domingu 14 de mayu tendrá llugar esta cellebración referencial nel mundiu sidreru asturianu.

LA SIDRA.- De magar les doce del meudíi, tendrá llugar la decimochava edición d’esti eventu, qu’entamará col pregón a cargu d’Alberto Rodríguez, conocíu actor y presentador del programa “de folixa en folixa” de TPA. Lo mesmo que n’otres ediciones, el públicu asistente, previa alquisión d’una fueya de votación por 4 € pue prebar el productu de los llagares que sirven la so sidre en Gascona y votar na categoría popular. Comu ye vezu, obsequiaráselos col pañuelu verdi distintivu, un llápice y un vasu sidre xerigrafiáu pa la ocasión.

 

La tastia oficial, como n’otres ocasiones, tará guiada por Luís Estrada y el xuráu d’espertos tará compuestu por Maximino Villarrica, Gumersindo Martínez, Joaquín Cernuda, Severino Cueva y Agustín Rodríguez. Ellos escoyerán la sidre ganaora na categoría oficial.

Esta edición cunta cola participación de dieciocho llagares ellaboraores: Castañón, Cortina, El Gobernador, Fonciello, Foncueva, Herminio, JR, L’Argayón, La Llarada, Menéndez, Muñiz, Orizón, Peñón, Roza, Trabanco, Vallina, Viuda de Angelón y Viuda de Corsino.

Les xornaes gastronómiques de la cocina de la sidre escomenzarán el xueves 11 en tolos chigres del bulevar y finarán el díi de la Preba.

 

(Visited 671.081 times)

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies