Inicio > Llagares > “Nun podemos ñegar que la situación ye abegosa, pero tenemos que seguir alantre”
Llagares

“Nun podemos ñegar que la situación ye abegosa, pero tenemos que seguir alantre”

Julián Castañón, ganaor del concursu de la DOP, ye’l protagonista de la nuesa entrevista del mes, que va espublizase en curtiu, na siguiente edición de la revista LA SIDRA

LA SIDRA.- Un de los oxetivos del llagar Castañón ye llograr la estabilidá na calidá de la so sidre, condición difícil de llograr nesta bébora, suxeta a bien diversos factores nel so procesu d’ellaboración. Sicasí les reconocencies llograes tantu nesti como n’años anteriores demuestren qu’escoyó’l camín correchu pos les sos marques ocupen los primeros puestos nos concursos más importantes. El postreru: meyor sidra natural nel certame de la Denominación d’Orixe Protexida.

“La verdá ye que sí cuesta trabayu porque la sidre ye un productu difícil, la materia primo ye abondo cambiante, non tolos años pueden consiguise los mesmos tipos de mazana, entós tienes qu’escoyer bien los que vas utilizar. Eso sí, polo que yo toi apostando, que ye pola Denominación d’Orixe Protexida, hai mazana abonda tolos años. Los nuesos esfuerzos centrar en caltener la regularidá de la nuesa sidre. Buscamos como resultáu una sidre afrutao, que guste al públicu polo xeneral, qu’ente bien, que seya nidia y rica” desplica Julián Castañón.

El llagareru, señala, qu’a diferencia de lo que se fixo tradicionalmente n’Asturies, elli apueste poles determinaes races de mazana. “Antes, cuantes más variedaes de mazana mayases xuntes, meyor considerábase la sidre. Pidíase muncho amiestu. Nós decidimos faer lo contrario, apostamos, efeutivamente, por unes determinaes racesvtolos años, y más o menos consiguimos faelo”.

La entrevista completa va poder lleese na revista en papel, y online, que ta al salir.


(Visited 2.465.713 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies