Inicio > Eventos > Más de 50 llagares nacionales ya internacionales nel SISGA’19
EventosSISGA

Más de 50 llagares nacionales ya internacionales nel SISGA’19

L’alcuentru presentóse ayeri na Casa de la Palmera de Xixón; el Salón Internacional de les Sidres de Gala cellebraráse del 25 al 29 de setiembre

Vuelve una de los cumes más importantes de les sidres de copa a nivel mundial que se cellebrará del 25 al 29 de setiembre. Un alcuentru nel que van participar más de 50 ellaboraores de 12 países distintos que van amosar y van ufiertar los sos productos más destacaos ya innovadores nun congresu apináu d’actividaes tantu pa productores como pal públicu polo xeneral.

La Tastia Abierta al Públicu va tener llugar el sábadu 28 de setiembre na Colexata San Xuan Bautista en Xixón n’horariu de 12:00 a 21:00 hores. Nesta, tolos ellaboradores van cuntar con stands estremaos nos que van amosar y van dar a tastiar les sos bébores. La entrada podrá alquirise por seyes euros y con ella facilitaráse una copa pa la tastia. Una ocasión ensin igual pa conocer estes bébores procedentes de llugares tan distantes como Estaos Xuníos, Xapón, Portugal, Alemaña o Italia. Amás esta edición va cuntar con una interesante participación de países bálticos como Letonia, Estonia, Finlandia y Polonia; lo mesmo que de una nutrida representación de la República Checa. Llóxicamente van asistir llagares asturianos y tamién del Estáu español. En concretu participarán 12 llagares asturianos, 3 del Estáu español y alredior de 35 estranxeros.

El SISGA ye una cita imprescindible para tolos que deseyen conocer la gran variedá de sidres que s’ellaboren anguañu nel mercáu, una y bones dengún otru alcuentru gastronómicu del Estáu axunta a tantos productores internacionales d’esta bébora. Habrá sidres esplumoses –brut, dulces, semisecas y rosadas–, sidres de xelu y de fueu, auguardientes, sidres ellaboraes con distintos ingredientes, aperitivos de sidra y les que se presenten en formatos d’un terciu o otros.

(Visited 686.375 times)

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies