Inicio > Cultura sidrera > Primer díi de Madrid Fusión
Cultura sidreraEventosGastronomíaInternacionalLa sidraTasties

Primer díi de Madrid Fusión

La revista LA SIDRA acude otru añu consecutivu a la cume gastronómica

LA SIDRA.- Primer díi de Madrid Fusión 2019… con grandes ausencies en cuantes a la representación d’Asturies. En primer llugar, y ensin dubia la que más s’echa de menos, l’estand de sidre natural que n’anteriores ediciones taba asitiáu na puerte del Palaciu Municipal de Congresos n’onde s’ufríen culinos a tolos asistentes al congresu´. Pos yá nun ta, como tampoco l’esibidor de Xixón gastronómicu qu’avezaba asitiase na planta tercera n’onde s’esponíen estremaos productos del conceyu, ente ellos, tamién, lanuesa emblemática bébora. Tampco nun hai presencia de sidre en ‘Enofusión’, espaciu específicu sobro bébores que se lleva a cabu na citada cume y que n’otros años cuntaba cola presencia de la DOP Sidre d’Asturies.

Sicasí, la brut Pomarina, acoyía a la DOP, sí que pue degustase n’otros stands, ún d’ellos el de ‘Alimentos del Paraísu’ coordináu pol gobiernu asturianu, ya igualmente, y como nun podía ser d’otra miente, nel espaciu que’l Grupu El Gaitero, llagar ellaboraor, siempres pon nel alcuentru gastronómicu. De fechu, Grupu El Gaitero ye l’únicu representante específicu qu’hai sobro sidre asturiano en Madrid Fusión. Nel espositor tan presentes gran variedá de los sos productos, pero una vuelta más esti añu, 1898, la so sidre de xelu, sigue acaparando güeyaes y paladares. “Entruguen específicamente por ella” afirmen güei los que s’afanaen por dar a prebar el productu. Yá se sabe: El Gaitero, presente nel mundiu enteru. Más empreses asturianes en Madrid Fusión son Toscaf y bacalaos El Barquero.

Tamién hai de destacar el stand d’Asturies, que tuvo gran actividá demientres el díi de güei. En to momentu ufriéronse tasties y degustaciones de les marques de calidá de la tierra, arriendes de cuntar cola presencia de los representantes de los productos con IXP, DOP, y los qu’igualmente tan acoyíos a mencionada disticiónpor mor de la so calidá. Toos ellos, xunta cola conseyera de Desendolcu Rural y Recursos Naturales, María Jesús Álvarez; y tamién cola direutora xeneral de Desendolcu Rural y Agroalimentación, María Jesús Aguilar; brindaren con sidre brut nel actu de naguración del espaciu asturianu al meudíi.

Asina, esti stand convirtióse nun escaparate onde puen degustase los quesos de Cabrales, Gamonéu, Casín, Afuega´l pitu, Ovín ecolóxicu y Beyos. Tamién el Choscu de Tinéu; los chorizos asturianos; el vinu Cangas; la yá mencionada sidre DOP; les Marañueles de Candás y de Lluanco, marmiellada de kiwi ecolóxicu y miel de les biesques asturianes.

Amás, ún de los momentos estelares del díi foi el showcooking que llevó por nome “Los Alimentos del Paraísu Natural nel Menú de la Reconquista: verdines y vacunu mayor”  impartíu por Isaac Loya del Real Balneario de Salinas. El xef interpretó’l Menú de la Reconquista con unes verdines con pixín a l’armoricana y un sollombu carbonizáu de vacunu mayor. Los participantes pudieron asina conocer meyor esti proyeutu que ñació va unos meses cola xida de los Centenarios de Cuadonga. “El Menú de la Reconquista” ye una propuesta na que tolos platos lleven dellos de los meyores productos d’Asturies amparaos baxo la marca de calidá Alimentos del Paraísu Natural. Esa ye la sencia del Menú de la Reconquista, una iniciativa que punxo en marcha la patronal turística Otea, col sofitu de la Conseyería d’Emplegu, Industria y Turismu del “Principado” d’Asturies, siñalaron dende la organización.

 

  • Semeya: Isaac Loya tresnando’l ‘Menú de la Reconquista’ y el presentaor David Fernández-Prada de Gustatio. Semeya: E. Urquiola
(Visited 599.792 times)

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies