Inicio > Cultura sidrera > La chicha de mazana, bébora de Chile
Cultura sidrera

La chicha de mazana, bébora de Chile

La doctora Amalia Capo San Carlos investiga sobro el productu, qu’anque tien un rangu d’importancia dientru de la cultura del país, nun foi estudiáue n fondura

La SIDRA.- La chicha ye un llicor de baxa graduación procedente de la formientaura de mostios frescos, crudos y/o cocíos d’estremaes frutes, bayes, farináceos o raigaños. La chicha de mazana ocupa, como’l so nome indica, el citáu frutu. Nel casu chilenu, les variedaes tradicionales ‘chilotes’. Asina lo esplica la doctora n’Hestoria Amalia Casto San Carlos, quien visitó Asturies y pronunció una conferencia na Universidá d’Uviéu. Pa ellaborar chicha estrúmse la mazana y estráise’l zusmiu. Depués, envásase direutamente en bidones de 60 a 200 llitros. Los llugares onde más s’ellabora esta bébora ye nes rexones de Los Ríos y Los Lagos.

La chicha en Chile ye una bébora identitario y ta presente n’alcuentros de gran rellevancia. Nel casu concretu de Chiloé, Capo San Carlos indica que la bébora ye protagonista de trabayos colleutivos, cellebraciones y ocasiones granibles: minga (especie d’andecha), medán o maya (preparación de chicha). Nel cotidianu, beber con ocasión d’invitaos, coles xintes o caliente, y con especies pel hibiernu, alredior de la estufa, apunta.

En Chile l’estudiu del padremuñu agroalimentario nun ye bien ampliu. Somos pocos los que mos dedicamos a estes investigaciones. Mayor interés hai concitáu al rodiu l’estudiu del vinu, pero dende esa óptica nun se consideró demasiadamente la investigación de la chicha, probablemente por considerala como secundaria dende l’influxu de la gran cultura vitivinícola” siñala la investigadora y amiesta: “L’afondamientu rique d’una focalización de la investigación nuna tema que nun dexó demasiaes buelgues documentales, polo que pa desentrañar esta hestoria precísense proyeutos particulares, con fondos enfocaos en relevamiento de documentación d’archivu y tarrén”.

Una entrevista en fondura de Amalia Capo San Carlos va espublizase nel prósimu suplementu Especial DOP de la revista LA SIDRA.

*Na semeya, Amalia Castru al cientru, a la so esquierda l’hestoriador especialista en sidre Luis Benito García y a la so drecha, el xerente de la DOP Sidre d’Asturies, Daniel Ruiz.

(Visited 657.722 times)

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies