Inicio > Clú de LA SIDRA > ¿Yá sabes echar sidre?
Clú de LA SIDRACultura sidreraDellos

¿Yá sabes echar sidre?

El xueves 22 d’avientu, el  Clú de LA SIDRA entama na sidrería La Montera Picona de Ramón, el décimu taller pa deprender a echar sidre, de la man de les espertes echaores Alejandra Vanegas y Susana Ovín

LA SIDRA.- A lo meyor yá sabes y lo que quies ye perfeicionar l’estilu, conocer más de la hestoria, la téunica, como ye la puntuación nos concursos… o cenciellamente pasalo bien con otres presones amantes de la sidre y la so cultura.

El prósimu xueves 22 d’avientu  el Clú de LA SIDRA entama’l décimu taller pa deprender a echar sidre na xixonesa sidrería La Montera Picona de Ramón, de la mán d’Alejandra Vanegas y Susana Ovín.

El taller contempla trés niveles, en función del grau de conocimientu de los participantes: Aniciu / Mediu /Altu. Tien calter mensual, y en principiu rialízase siempres el penúltimu xueves de ca mes, na mencionada sidrería.

El cursu entamará a les 20:00 h. y durará fasta les 21:30 hores. Eso sí, recordai que les places son llimitaes y acuparanse per rigurosu orde d’iscripción.

El preciu d’esti cursín ye de 10 € (5 € pa miembros del Clú de LA SIDRA) por presona

L’ingresu hai que facelu poniendo’l nome del participante y el conceutu ‘Taller d’Echar Sidre”’ nel númberu cuenta de la Fundación Asturies XXI:  

ES 09  0081  5157  600001228623

P’apuntase y más información:

  • LA SIDRA
    • T/ Whatsapp: 652 594 983
    • Corréu lletrónicu: adlasidra@gmail.com
  • Sidrería La Montera Picona de Ramón
    • T. 984 190 237

Entama:

  • Clú de LA SIDRA / Fundación Asturies XXI

Sofita:

  • Sidrería La Montera Picona de Ramón
  • FMCEYUP del Ayuntamientu Xixón

Collabora:

  • Sidra Menéndez
  • Asociación de Escanciadores

VER SEMEYES DEL POSTRER TALLER


(Visited 2.445.336 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies