Inicio > Chigres > II Cursu d’Echáu de Sidre Contorna del Caudal
ChigresCultura sidreraDellos

II Cursu d’Echáu de Sidre Contorna del Caudal

Entamáu pola Asociación de Llagareros Artesanos del Caudal cola collaboración del Conceyu de Mieres

LA SIDRA.- Tres l’ésitu de la primer edición del Cursu d’Echáu, na que se consiguió que cuatro de los doce alumnos presentaos llograren trabayu direutamente –magar la situación criada pol andanciu-, l’Asociación de Llagareros Artesanos de la Contorna del Caudal, en collaboración coles conceyalíes d’Emplegu y Cultura mierenses dirixíes por Juan Ponte, convoquen esti segundu cursu, d’inscripción gratuita.

El cursu va ser impartíu por Loreto García, prestixosa echadora de sidre con múltiples distinciones nel so haber, y que rexenta la sidrería Les Campes, en Siero, y ta dirixíu a un máximu de doce alunos/es, por que puedan recibir una atención presonalizada.

El cursu va desendolcase nel Recintu Ferial de Mieres los llunes y xueves n’horariu de 17.30 a 20 hores, dende’l 21 de febreru al 7 d’abril, tres el cual, quien rematen el mesmu –ye precisu complementar siquier un  75 % de les hores- van recibir un diploma acreditativu de la so cualificación.

Les inscripciones tán abiertes fasta’l 18 de febreru, son gratuites y tienen de rializase na Conserxería de la Casa de Cultura o per teléfonu nel 985 45 19 53 n’horariu de 10 a 14 hores.

https://youtube.com/shorts/hrSN9N5N3AM?feature=share

(Visited 1.549.404 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies