Inicio > Clú de LA SIDRA > Visita al Llagar de Frutos
Clú de LA SIDRALlagaresTasties

Visita al Llagar de Frutos

El prósimu xueves 29 d’avientu el Clú de LA SIDRA preslla l’añu con una visita guiada al Llagar de Frutos

LA SIDRA.- Sedrá’l propiu llagareru, Gustavo Costales, tercer xeneración de llagareros, quien dirixirá esta visita al emblemáticu llagar maliayu, ensiñándomos les sos istalaciones y presentándomos la sidre qu’agora mesmo ta nos toneles.

El Llagar de Frutos anicióse en 1935 por Fructuoso Costales, conocíu como ‘Frutos’, nomatu que da nome al llagar. Cunta con 4 llagares tradicionales pal mayáu, una nave con 4 toneles de maera afayada pa la cellebración d’espiches, una bodega con 14 toneles de maera, 17 depósitos de fibra de vidriu con grupu fríu pa formientación y conservación, y una nave pa corchar y almacenar la sidre corchao.

El llagar de Frutos tien nel mercáu dos marques de sidre:

  • Frutos
  • G. Costales DOP ‘Sidre d’Asturies’

La visita guiada al llagar entamará nel mesmu llagar el xueves 29 d’avientu a les 19:30 h. con horariu finalización a les 21:00, y como se desplicó enantes, correrá a cargu del propiu llagareru Gustavo Costales.

El númberu places ye llimitáu, y la participación na visita tien un costu de 10 €. L’ingresu hai que facelu poniendo’l nome del participante y el conceutu ‘Sidra Frutos’ nel númberu cuenta de la Fundación Asturies XXI:  ES 09  0081  5157  600001228623

Más información:

info@lasidra.as

T. / Whatsapp: 652 594 983


(Visited 2.467.542 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies