Inicio > Internacional > Tribes de sidre nel mundiu
InternacionalSidreturismu

Tribes de sidre nel mundiu

La sidre ye muncho más qu’una bébora alcólica fecha de mazanes.

LA SIDRA.- Güei en díi, la sidre fáese en tol mundiu, y con munchos ingredientes estremaos q’ufierten toa una variedá de saborgos y estilos: dende l’ácido y seco a la dulce intenso, claro o veyao, ensin gas o esplumoso.

Amás de les increíbles variedaes q’atopamos na sidre asturiano, los estremaos países ufierten estremaes esperiencies a la hora de beber sidre.

Demientres les sidres ingleses son xeneralmente seques, ácides y riques en taninos, les franceses son más dulces y con menor grau d’alcol. Y los llagareros d’Australia, Nueva Zelanda y Estaos Xuníos tienden amestar races de mazana de mesa, asina que les sos sidres varíen en dulzayu.

La sidre de mazana considérase la orixinal, y dalgunos dicen que la meyor, yá que les mazanes contienen zucres que-y dan dulzayu y ácidu málicu y taninos que-y confieren agrín.

Les peres, altes en taninos y agrín, son bones pa facer sidre tamién, anque caltien menos ácidu málicu que les mazanes, lo que resulta n’una bébora más dulce y delicao.

Na postrer década, la introduición de sidres ellaboraes con frutes esótiques ganaron en popularidá con marques sueques esperimentando con saborgos de maracuyá y miruéndanu o sidres australianes que introducen xabuguina o granada.

(Visited 868.092 times)
Compartir
A.M.V.
https://www.lasidra.as
Nacía en Xixón en 1973, fice los estudios de Filoloxía Inglesa nes Universidaes de Uviéu y Bradford (Reinu Xuníu). Trabayé de profesora d'inglés, guía ya intérprete y tradutora. Soi una gran aficionada a la sidre y al bon xintar. Sígueme na ueb www.ciderayalga.com

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies