La doutora Fe Santoveña Zapatero dio una charra sobro’l traxe’l país dientru la programación del FIL 2019
La carpa d’Asturies dientru del Festival Intercélticu d’An Oriant ta teniendo unes charres mui completes sobro la cultura asturiana. Nestes, el públicu pue entender un pocu meyor la nuesa idiosincrasia con especialistes sobro los productos más importantes, amás de sobro señes identitaries comu ye’l traxe’l país.
Fe Santoveña Zapatero, reconocía antropóloga ya hestoriadora, foi la encargada de desplicar les destremaes pieces de la nuesa vestimenta masculina ya femenina. Pa ello, sirvióse de trés de los artistes de les bandes de gaites y grupos que formen esti añu la Dellegación Asturiana.
La charra, que tuvo perbona acoyía, fízose íntegramente en francés y foi la mar d’interactiva: amás d’amosar les funciones de ca parte del traxe y cómu estes podíen indicar l’estamentu social del portaor, sirvió pa que tol públicu supiera estremar al nuesu paisanax del restu dellegaciones participantes. Porque n’Asturies les coses faense destremaes.
