Inicio > Gastronomía > Torna ‘La Meyor Fabada del Mundiu’
Gastronomía

Torna ‘La Meyor Fabada del Mundiu’

Arrinca la undécima edición del concursu, el plazu d’iscripción ye del llunes 15 al xueves 25 de marzu

LA SIDRA.- Escomienza la gueta pa coronar a ‘La Meyor Fabada del Mundiu 2021’, el concursu entamáu pol Conceyu de Villaviciosa y la empresa d’eventos gastronómicos Gustatio. Esti certame cunta con un rigorosu sistema de seleición de los finalistes. Pa ganar, les fabaes tienen que ser tastiaes fasta trés vegaes por un xuráu espertu, nuna primer fase de forma anónimo y secreto, lo que garantiza que se prueben platos reales, la comida qu’acaldía los establecimientos tienen a la vienta nel so comedor. Esto supón un esfuerzu terrible, yá qu’hai que visitar ún por ún per tola xeografía española a decenes de restoranes nun plazu de dos meses. Pa ello cúntase con un equipu de quince presones, que van puntuar sobro 20 puntos ca fabada.

El plazu d’iscripción ye del llunes 15 al xueves 25 de marzu, dambos inclusive. La semifinal nacional, na que se catan los diez meyores fabaes de fora d’Asturies, va tener llugar el llunes 10 de mayu nel Centru Asturianu de Madrid. La final del concursu “La Meyor Fabada del Mundiu 2021” va ser en Villaviciosa, nuna fecha entá por determinar.

El concursu cunta col Padrociniu de Tierrina Vaqueira, Embutíos Naveda, Bodegas Monasterio de Corias, bodega asturiana internacionalmente reconocía de la DOP de Cangas y Pomarina, Sidra Brut d’El Gaiteru.

(Visited 1.192.928 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies