Inicio > Cultura sidrera > Música > Sylvain Woolf presenta’l so vidiuclip
Música

Sylvain Woolf presenta’l so vidiuclip

El grupu música ganaor del I Concursu Sidre d’Asturies Sond estrenó “Say yes” nel Aula Magana de la Universidá d’Uviúe.

LA SIDRA.- Nel mes de xunu’l grupu música Sylvain Woolf facíase col primer llugar nel I Concursu Sidre DOP Sound, entamáu pol Conseyu Regulaor de la Denominación d’Orixe protexía. El premiu consistió na grabación d’un vidiuclip profesional producíu y dirixíu pol direutor Juan Ewan, d’El Sueño de Morfeo.

A la fin, l’estrenu del citáu vidiuclip tuvo llugar el pasáu xueves nel Aula Magna de la Universidá d’Uviéu y dientru’l marcu del Festival OVICLIP/FICX. Amás, demientres tola fin de selmana tamién se llevaron a cau estremaos pases na sal uvieína La Salvaje. “Esti concursu supunxo dar un pasu al frente na pormoción de Sidre d’Asturies, al apostar por vincular el públicu mozu y el nuesu productu más queríu y emblemáticu, al traviés de la canal de les redes sociales. Tamién hai de solliñar l’apueste de DOP Sidre d’Asturies pola cultura, nesti casu la música asturian. Tuvo abiertu a toes aquelles bandes musicales que tean, al menos, un componente asturianu o que tean afincaes n’Asturies” siñalaron dende’l Conseyu Regulaor.

La participación na primer edición del Sidre d’Asturies Sound foi “tou un ésitu”, sigún destaca l’organismu, darréu que dempués apautáronse un total de 38 bandes y amestáronse más de 20.000 votos online demientres los quince díis del periodu votuaciones por parte los internautes.

(Visited 638.222 times)

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies