Inicio > Cultura sidrera > Sidre y solidaridá en Villaviciosa
Cultura sidreraDellosEventosLlagares

Sidre y solidaridá en Villaviciosa

Na Fiesta de la Sidre de Villaviciosa van cobrase lo culetes con fines solidarios.

LA SIDRA.-  El prósimu sábadu 2 de setiembre, de 12 a 14 hores cellebraráse la XXIV Fiesta de la Sidre de Villaviciosa, que va escomenzar echando sidre los integrantes de les asociaciones Galbán y Raitana.

El cobrar por culetes ye una midía que vien realizándose nos postreros festivales de sidre –el de Valdesoto, por casu, y qu’esti añu aplicó per primer vegada la Fiesta de la Sidre de Xixón.

Trátase per un llau de poner en valor la sidre, atalantando qu’al regalala quítase-y valor, y per otru por necesidaes de financiamientu, bien pal mesmu eventu, o como ye esti casu, p’asociaciones con fines solidarios, como ye’l casu de La Raitana (d’atención a presones con discapacidá) y Galbán (de sofitu a neños con cáncanu).

El preciu va ser de cinco euros por un val de 12 culetes, amás de que los asistentes van tener que mercar el vasu comemorativu (3 €), dedicáu al aniversaio de la Ilesia de Fuentes.

Los llagares participantes –qu’esclarien que nun van cobrar un res pola so sidre- son: Vigón, Buznego, Castañón, Coro, Cortina, El Gobernador, Frutos, J. Tomás, Los Gemelos, M.Busto y Vallina y envalórase que van poner a dimposición de los participantes más de 3.000 botelles de sidre.


(Visited 2.558.061 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies