Inicio > AS > Noticies > Sidre en La Llébana
Noticies

Sidre en La Llébana

Esti territoriu ye ún de los primixenios del Reinu d’Asturies, col que compartimos hestoria, cultura, llingua, y por supuestu la nuesa bébora tradicional.

LA SIDRA.- Integrada na provincia de Santander dende la so criación en 1836, que sedría rebautizada en 1982 como Cantabria, La Llébana alcuéntrase anguaño baxo dicha alministración, En tou casu, La Llébana supo caltener los aspeutos fundamentales de la so hestoria ya identidá, de la que con razón y drechu fai gala les sos xentes.

La sidre en La Llébana ye un productu tradicional. Ellaborao y consumío a nivel caseru, siempres tuvo presenta na vida diario, anque fasta anguaño nun algamara la reconocencia que se merez como elementu identitariu, de prestixu y calidá.

Les sos pumaraes surtieren dende siempres a los llagares asturianos, y siguen faciéndolo a lo menos nel casu del Llagar el Cabañón, o’l de Somarroza, que se precia d’utilizar la mazana llebaniego pa la ellaboración de la so sidre, y por supuestu nel de Pago de Tolina y Valdeaniezo que dende’l so aniciu se precien d’utilizar esclusivamente mazana de la so tierra, poniendo nel mercáu una sidre que práuticamente podríemos considerar d’orixe garantizáu.

Na revista LA SIDRA d’esti mes, podemos lleer más d’esti interesante reportaxe.

(Visited 800.045 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies