Inicio > AS > Noticies > Sumilleres de la sidre
Noticies

Sumilleres de la sidre

Ta entamándose una asociación internacional, cola central n’Asturies, de sumilleres de la sidre.

LA SIDRA.- Na xornada profesional de sumilleres del pasáu SISGA’15 plantegóse la necesidá de formar sumilleres específicamente de la sidre nos estremaos países productores p’afondar na conocencia tantu del productu –la sidre- comu nes sos múltiples espresiones, y les munches peculiaridaes que presenta tantu a nivel nacional ya internacional, col oxetu de dir afitando criterios comunes a la hora de facer valoraciones de les mesmes.

 

Nesi sen, escomenzaron a dase ya los primeros pasos con contautos ente presones enfotaes en formase nestos conocimientos, y en facelo direutamente, ensin “contaminar” pel mundiu del vinu o la cerveza… A estes altures el proyeutu avanza, y yá tenemos confirmación d’otros países onde yá ta entamandose col proyeutu.

Nel casu d’Asturies los contautos ainda tan escomenzando, alcordies al principiu de facer les coses ensin priesa y bien, pero calcúlase que pa metanes del mes de febreru yá podríe dase’l primer aconceyamientu oficial de los sumilleres asturianos de la sidre.

La idega ye que s’afaye n’Asturies la central, y aprofitar la cellebración del SISGA pa facer l’aconceyamientu añal de les estremaes organizaciones internacionales.

Pa más información: info@lasidra.as

(Visited 838.141 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies