Inicio > AS > Eventos > Sidre en Gran Canaria
Eventos

Sidre en Gran Canaria

Valleseco cellebra les VI Xornaes Gastronómiques de la Mazana y la Sidre.

LA SIDRA.- Nes Islles Canariaes ca vuelta tien más presencia la sidre. Yá la sidre Posma participó nel postrer Salón Internacional de les Sidres de Gala cellebráu en Xixón. Y agora’l conceyu de Valleseco en Gran Canaria, entama les VI Xornaes Gastronómiques de la Mazana y la Sidre que van cellebrase del 2 al 11 d’avientu. Fadránse na zona comercial y nos estremaos establecimientos de restauración del conceyu de Valleseco. Ellí tamién  van tresnase platos y pinchos ellaboraos cola mazana reineta.

Amás, el díi 11 d’avientu, va tener llugar una feria d’artesanía na plaza de Lanzarote, p’animar les xornaes gastronómiques y dar a conocer l’artesanía de la fastera. Los establecimientos que participen son los restoranes, Los Arcos de La Laguna, Balcón de Zamora, Valleseco, Rinconcito Canario, Hnos. Santana y los Rojos; los chigres, La Herradura y Mi Cielo, y la cafetería del Mercáu Ecolóxicu ‘EcoValles’.

 

Dámaso Arencibia, alcalde de Valleseco, desplicó qu’esta edición de les xornaes son “bien importantes pal conceyu” yá que potencien el seutor primariu, terciariu y turísticu de la fastera. Amás de qu’esta iniciativa unifica’l gremiu de la hostelería y de forma conxunta poténciase la imaxe turística de la llocalidá. El Conceyu de Valleseco ye quien entama y el financiamientu cuerre per parte de la Conseyería d’Industria, Comerciu y Artesanía del Cabildru Insular de Gran Canaria y patrocina’l Padronatu de Turismu de Gran Canaria.

(Visited 996.983 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies