Inicio > AS > Noticies > Sidre de fueu
Noticies

Sidre de fueu

Foi otru de los llamaos “productos nuevos” presentaos nel Salón de Gourmets.

LA SIDRA.- Anque la sidre de fueu quebequés tevo la so apaición mediática fai un par d’años, esti productu foi ún de los que más llamaron l’atención a los especialistes nesta triba de bébores qu’acudieren a Salón de Gourmets realizáu la selmana pasada nel IFEMA de Madrid. Sigún los espertos esta sidre de fuéu tuvo los sos entamos metanes de los años noventa nel país norteamericanu y anguañu prodúcense alrodiu de milenta botelles al añu.

“Nacía igualmente en Quebec y con Denominación d’Orixe dende 2012, la sidre de fuéu ellabórase mediante una concentración d’arumes más intensa, evaporando l’augua por ebullición. Tres esti procesu, queda un 20 % del llíquidu inicial  que se formienta a perbaxes temperatures cola aída de llevaures. Al cabu de varies selmanes avieyase en barrica carbayu. Son precisos alrodiu de 9 kilos de mazana pa ellaborar una botella de 375 ml. La so tonalidá ye ámbare y rellumante, tien gran complexidá arumática: carambelu, compota, nueces o naranxa, asina como un altu frescor y un puntu d’acidez que la fai única. Al empar que la sidre de xelu, resulta perafayaíza p’acompangar quesos o, xelaos cremosos o simplemente pa degustala solo como aperitivu” siñalaron los sos distribuidores nel Salón.

 

Amás d’esta, tamién foi notoria l’apaición d’otres sidres diferentes a l’asturiana. La mezcla de saborgos paez ser una tendencia -anque non ente los asturianos-; yá que los productores de sidre d’otres partes del estáu ven un nichu de mercáu ente la población británico y alemán que visiten la costa mediterránio y que gusten de los formatos de botellín y de saborgos dulces. D’ende que ca vuelta surdan más empreses qu’intenten llegar a esa triba de públicu, como por exemplu The good cider, o que s’istalen nesos sitios distribuidores de grandes compañíes sidreres como la sueca Kopparberg, que tamién tuvo un stand na citada feria de productos gastronómicos.

(Visited 670.873 times)

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies