Inicio > Sin categoría > Races de mazana de sidre
Sin categoría

Races de mazana de sidre

N’Asturies hai más de 2.000 races de mazana autóctones, de les que namás tan permitíes 22 pa la ellaboración de sidre DOP.

LA SIDRA.- La calidá de la sidre vien direutamente rellacionada col estáu, caltenimientu, variedá y orixe de la mazana. Cuanto meyor tean calteníes, meyor va ser la ellaboración de la sidre. La plena mauración d’un pumar empicipia a los 12-14 años, anque delles variedaes fácenlo a los 5-6 años.

La mazana utilizao pa la ellaboración de sidre tien de tener unes carauterístiques especiales basaes nos niveles d’acidez, taninos y zucre, que les convierten en pocu apeteceores para comer. Tienen de tar nun óptimu estáu de maureza, una y bones les mazanes bien maures tienen pocu tanín, lo que contribúi al “filau” de la sidre, ello ye, a qu’ésta presente un aspeutu trupu y turbiu paecíu al aceite.

Les mazanes dulces dan, polo xeneral, pocu zusmiu, mentesque les ácides son bien xugoses y esenciales nun altu porcentaxe, yá que la so acidez contribúi a caltener el collor natural del mostiu y la llimpieza de la sidre.

Anque esisten sidres monovarietales, ellaboraes con un solu tipu de mazana, lo más avezaoye l’amiestu de races. La Denominación d’Orixe Protexía namás almite 22 tipos de mazana asturiana, que l’añu próximu va ampliar a 76, para la ellaboración de sidre.

Estes races de mazana estrémense en dellos tipos:

• Ácidu: Durona de Tresali , Blanquina, Llimón Montés ,Teórica, San Roqueña, Raxao, Xuanina , y Fuentes
• Dulce: Verdialona y Ernestina
• Amargosu: Clara
• Amargosu-ácidu: Regona y Meana
• Dulce-amargosu: Coloradona
• Semiácidu: Carrió, Solarina, De Regar, Collaos, Perico, Prieta y Perezosa
• Semiácidu-amargosu: Panquerina

(Visited 469.936 times)
A.M.V.
https://www.lasidra.as
Nacía en Xixón en 1973, cursó los estudios de Filoloxía Inglesa en les Universidaes de Uviéu y Bradford (Reinu Xuníu). Trabayó de profesora d'inglés, guía ya intérprete y traductora. Ye una gran aficionada a la sidre y al bon xintar.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies