L’alderique sobro si pote o fabada merecen el títulu de meyor platu de cuyar d’Asturies tien fundamentu, y por muncho que la fabada seya más conocía, un bon pote, fechu con calma y con bonos ingredientes, ye ún de los platos más saborgosos que puen esfrutase nel país.
Trátase d’una receta llaboriosa na que la calidá y los tiempos de coción de caún de los sos componentes inflúi nel resultáu final. Poro, topar un sitiu onde tea bien fechu ye digno de reseñar, especialmente si la ración ye curiosa -la de la semeya ye pa una persona- ya’l compangu afayaízu.
Pa con ello tomamos unes botelles de Sidra Villacubera, la sidre con Denomación d’Orixe del Llagar Cortina, seique tienen dellos palos a escoyer. D’agradecer, l’atención de los echaores y la calidá del serviciu, pese a tener el chigre enllenu xente, que faen más prestosa entá la esperiencia.
SIDRERÍA ALTERNA – PTU PAYARES 9. UVIÉU T.984 28 06 41
