Inicio > Cultura sidrera > Peñon, Quelo, Fonciello, Germán, Prado y Pedregal, Alonso y Cabueñes finalistes pa la XIV Meyor Primer Sidre L’Añu
Cultura sidreraEventosPSLATasties

Peñon, Quelo, Fonciello, Germán, Prado y Pedregal, Alonso y Cabueñes finalistes pa la XIV Meyor Primer Sidre L’Añu

Siete finalistes pasen a la siguiente fase de la Meyor Primer Sidre L’Añu. La sidre de Peñon, Quelo, Fonciello, Germán, Prado y Pedregal, Alonso y Cabueñes competirán pol entítulu que les reconoz comu la meyor d’esta collecha

El miércoles 20 de marzu cellebraráse la final con estes siete sidres, consideraes les meyores na fase previo.

LA SIDRA.- A lo llargo d’esta mañana el xuráu, presidíu por Manuel G. Busto y compuestu por el campeón d’echaores, Wilkin Aquiles; los profesores de la Escuela d’Hostelería y Turismu de Xixón, Juan Luis García, y  Benedicta Zurro: el propietariu de La Montera Picona, Emilio Rubio; y los tastiadores Inés G. Nosti,  Luis García, y  Sara Campomanes, prebó y valoró les más de 40 sidres presentaes a concursu nuna duple tastia a ciegues que dio como finalistes a siete llagares.

 A la final, que tendrá llugar a les 18:00 la tardi na sidrería La Montera Picona de Ramón, concurren siete llagares: Peñon (Albandi, Carreño), Quelo (Tiñana, Siero), Fonciello (Tiñana, Siero), Germán (Avilés), La Morena (Viella, Siero), Alonso (Ciañu, Llangréu) y Cabueñes (Xixón).

Pa la final, el sistema sedrá igualmente de duple tastia a ciegues, de la que los xuraos escoyerán cuatro sidres pa una tercera tastia, cuya puntuación sumará a lo algamao por esos llagares nes dos primeres prebes, dando como resultáu la sidre ganaora.

 Les tasties y deliberaciones del xuráu sedrán abiertes al públicu y una bones finalizáu’l concursu podrán probase les sidres finalistes.

La sidre ganadora sedrá la Sidre Oficial de la XIV Primer Sidre L’Añu, , que se cellebra del 28 al 31 de marzu, mercándose-yos mil euros en sidre pa poner a disposición de los asistentes a la mayor espicha’l país..

Esti certame, entamáu pola FUNDACIÓN ASTURIES XXI, ye ún de los concursos de sidre más importantes del país, siendo l’únicu que valora la sidre sobro la madre, ello ye, ensin trasegar ya’l segundu en cuantu a númberu de llagares participante.

Sidre sobro la madre

Dende hai 15 años LA SIDRA y la Fundación Asturies XXI escomenzaron a trabayar pola recuperanza de la sidre ensin trasegar, que práuticamente desapareciere del mercáu pola industrialización de los llagares y l’aplicación xeneralizada de los trasiegos. Ca vuelta son más los llagares que s’animen a comercializar esta triba de sidre y que participen nesti certame.

 

Concursu XIV Meyor Primer Sidre l’Añu

Finales:           Miércoles 20 de marzu a les 18:00

Llugar:            Sidrería La Montera Picona de Ramón

 

(Visited 2.562.706 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies