Inicio > AS > Noticies > Otres 18 races de mazana entrarán na DOP “Sidre d’Asturies”
Noticies

Otres 18 races de mazana entrarán na DOP “Sidre d’Asturies”

Con estes sedrán 41 les almitíes pa ellaborar sidre con DOP “Sidre d’Asturies”

LA SIDRA.- El “Principado” vien d’anunciar que solicitará a la Xunión Europea pa qu’incorpore dieciocho nueves races de mazana de sidre autóctono na denominación d’orixe protexío DOP “Sidre d’Asturies”, por alcuerdu de la postrer mesa seutorial cellebrada esta selmana n’Uviéu. Cn ello la probitú xenética qu’acarreta una DOP na que de les miles de races asturianes namás permita usar unes poques, verase asina daqué amenorgada, pasando de tener 23 races rexistraes a 41.

El direutor xeneral d’Agroalimentación del “Principado”, Jesús Casas, afirmó que l’oxetivu de la Conseyería de Desendolcu Rural ye “acabar incluyendo toles races asturianes”, lo que, al ritmu que lleven, pue lleva-yos unos cuantos sieglos.

 

Trátase d’una demanda desixía tanto por llagareros que ven que’l recurtiar el númberu de races almitíes na DOP supón una perda de posibilidaes a la hora d’ellaborar la sidre; como por collecheros, que de sutrucu veíen que les mazanes de races de mazana asturiano nun incluyíes nesa seleición perdíen preciu; asina como pol conxuntu la sociedá, que vemos inxustificable que se dean semeyantes discriminaciones ente mazanes que son tan asturianes unes como otres y l’emprobecimientu de la bayura xenética de la mazana asturiana de sidre.

 

(Visited 635.951 times)

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies