Inicio > AS > Noticies > El #Sidrachallenge trunfa
Noticies

El #Sidrachallenge trunfa

Les redes sociales enllénense d’echaores de sidre.

LA SIDRA.- El retu consiste en grabase echando un culete de sidre, o polo menos facer l’ademán d’ello, bebelu, xubilu a les redes y nominar a trés amigos pa que faigan otru tantu (xubir vidiu echando un culete y nominar a otros trés) nun plazu másimu de 72 hores, y los que nun lo faigan tienen d’invitar a quien los nominó a una botella sidre.

Arriendes d’ello, los que lu acepten tienen de xubir el vidiu a les redes sociales col hastag #Sidrachallenge, #Sidre #Asturies o #Folixa.

 

L’asuntu va calando ca vegada más, costituyendo toa una espresión de la vitalidá de la cultura asturiana de la sidre, y son munchos los presonaxes públicos asturianos que vienen participando nel mesmu: Sonia Fidalgo, Arantxa Nieto, Roberto Álvarez, Maxi Rodríguez, y el caberu d’ellos Rodrígo Cuevas, l’axitaor folclóricu y lletrocupletista que foi imaxe de la sidre con denominación d’orixe, qu’usó l’hashtag #paezquememexarontolosanxelinosnaboca, dexando nidio que sabe echar sidre como un campión.

La importancia del usu de les redes sociales pa esparder la cultura asturiana de la sidre ye un fenómenu ca vegada con mayor puxu, y supón un ellementu de tresmisión y publicitación de la mesma que tovía tien munchu qu’aportar, porque como decimos davezu: la sidre ye muncho más qu’una bébora.

(Visited 599.793 times)

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies