Inicio > Gastronomía > Menú del Desarme na Cocina Económica
Gastronomía

Menú del Desarme na Cocina Económica

El comedor social va tresnar los platos emblemáticos de la fiesta gastronómica gracies a los ingredientes donaos por Otea y el conceyu uvieín

LA SIDRA.- La Cocina Económica va sirvir esti meudíi’l menú del Desarme, que va tresnar colos ingredientes donaos por Otea y el Conceyu d’Uviéu.

Esti añu, por mor de les midíes sanitaries, la patronal hostelera nun va entrar nes cocines y va rializar una visita a les 12:00 pa saludar al presonal del comedor qu’atiende’l serviciu de comíes y que s’afixo a la situación de seguranza sanitaria.

Va asistir el conceyal d’Hostelería, Turismu y Congresos del Conceyu d’Uviéu, Alfredo García Quintana, el presidente de Otea, José Luis Álvarez Almeida, el presidente de Otea Uviéu, David González Codón, y el Confrádere Mayor de la Confradería del Desarme. Miguel Ángel de Dios.

Esta ye una de les actividaes que forma parte de la festividá gastronómica del Desarme. Mientres esta selmana, 26 establecimientos, ente ellos sidreríes, tán participando nel certame Bocaínos del Desarme, amás d’ufiertar el tradicional menú. El prósimu sábadu 17 va llevar a cabu’l Gran Capítulu de la Confradería.

(Visited 2.445.951 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies