Siguiendo cola dinámica de los ca vuelta más esitosos maridaxes con sidre, esti xueves 9 de xunetu LA SIDRA entama otru maridaxe, nesta ocasión de carrilleres, y rabu de güe AGROMAR con sidre Trabanco y Riestra.
LA SIDRA.- L’eventu tendrá llugar na Sidrería Xixonesa El Requexu a les 19 hores, y consistirá nun maridaxe de les conserves de carrilleres de gochu y de xata, d’AGROMAR, productu de la so llinia de platos pa hostelería, con Sidre Riestra (natural y Guzmán Riestra brut) y Trabanco (normal, d’Escoyeta y Poma Áurea), y tará dirixíu por David Castañón, prestixosu gastrónomu autor del blog les fartures, y collaboraor d’avezu de LA SIDRA.
Con esti nueu maridaxe, LA SIDRA sigue enfotada en desendolcar toles posibilidaes de la sidre asociao a la gastronomía y reivindicando un papel ca vuelta más importante de la mesma nel tarrén de la restauración.
