Inicio > Encamientos > Mar y monte na Sidrería La Ferrería
EncamientosEncamientosGastronomía

Mar y monte na Sidrería La Ferrería

Col calor d’estos díis pasaos, unes sardines escabechaes con Sidra Llagar de Quintana -del Llagar Menéndez- yeren una perbona opción, sobre tou si tan preparaes col mimu y detalle con que les faen na Sidrería La Ferrería, con cebollina mui finino, perrexu picao, brotos d’arbeyu y quesu, enriba d’una capa tomate y llechuga morao, adobao lo xusto, con aceite d’oliva virxe.

Y como segundu, más potente, un platáu de cabritín guisáu d’espatarrar, tienro y xugoso, que se desfai na boca.

Un platu intensu que s’esfruta dende anantia siquiera de dar el primer bocáu, col so arrecendor prestosu qu’anubre les narices, faciendo naguar per allantrao.

Con abondosa salsia y acompangao de patates y pimientos, la so preparación remembra al estilu llavianés de facer cabritu.

Pa detrás, tarta casero de quesu, el remate cremosu imprescindible pa los más llambiones.

De sidre, comu decíemos, Llagar de Quintana, bien echao y na temperatura correcho.

Cien por cien d’encamentar.

Sidrería La Ferrería – Laviada 10. Uviéu T. 984 083 834

 

 

(Visited 2.603.574 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies