Inicio > Chigres > Los ‘Xueves de Sidre’ animen los chigres xixoneses
ChigresDOP Sidre d'AsturiesEncamientosGastronomía

Los ‘Xueves de Sidre’ animen los chigres xixoneses

Selce sidreríes xixoneses participen nesta iniciativa que consiste n’ufrir tolos xueves una ufierta de botella de sidre DOP con una tapa o cazuela

LA SIDRA.- Otea Xixón,  cola collaboración de Divertia y l’Ayuntamientu de punxeron de nueu en marcha’l pasáu mes de payares los ‘Xueves de Sidre’ un proyeutu nel que los chigres participantes ufren tolos xueves, a preciu fixu una botella sidre DOP y  una propuesta gastronómica (tapa o cazuela) escoyía por ca sidrería.

La ufierta ye en principiu pa esfrutala en barra, anque si l’establecimientu lo permite, podríe facese tamién en mesa.

Trátase d’una iniciativa que se retoma pol ésitu que vien collechando n’anteriores ediciones, que supón un argumentu más p’alternar un poco y dar vida a la hostelería xixonesa –les sidreríes más específicamente- nun mes que polo xeneral ye daqué muertu, y too ello dando-y puxu a la sidre, y mui especialmente a la sidre con DOP Sidre d’Asturies’

Hai propuestes gastronómiques pa tolos gustos: tortos con picadiellu, chipirones afogaos o con arroz, calllos, chorizu a la sidre, caces de gochu… eso sí, ún específicu pa ca sidrería, y a un preciu más qu’afayaizu, ente los 6 y los 10 €, eso sí, con botella sidre DOP incluyía.

Participen:: Los Campinos, La Montera Picona de Ramón, Rubiera, Río Astur, La Cabaña del Santu, Nueva Uría, El Chisqueru, Canteli, La Casona de Jovellanos, El Restallu, Hotel Arena, Johy, Sidrería Gijón, Llagar de Begoña y les parrilles Muñó Feijóo y Poniente.


(Visited 2.445.324 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies