Inicio > Llagares > Llagar Panizales estudia’l llanzamientu al mercáu de la primer sidre de xelu con peres asturianes
Llagares

Llagar Panizales estudia’l llanzamientu al mercáu de la primer sidre de xelu con peres asturianes

Va ufiertase con otros productos orixinales como Hera de Cereza y Hera de Marmiellu.

LA SIDRA.- Faustino Mateo Vázquez, “Tino Panizales” convirtióse nun referente nel mundiu la sidre pol so constante innovación desque, en 1991, fixera profesional lo que dende neñu considerara como una afición.

Exemplos de la so esperimentación con nuevos productos son la sidre aperitivu Viesk (Primer Premiu SISGA’17) y la so aclamada sidre de xelu, de la cual prodúcense solamente 3.000 botelles al añu.

Ésta postrera, que la so andadura empezó en 1998, llógrase conxelando’l mostiu, colo cual esaníciase l’agua y llógrase un gran porcentaxe d’azucre y acidez. Dempués, desconxélase amodo y almacénase en barriques de carbayu mientres dos o trés años. Finalmente, ensin peñerar nin calistrar, córchase y distribúise. Trátase d’una sidre perfecho pa combinar con quesos y postres.

La so gran aceptación llevó al llagareru a decidir ellaborar una nueva sidre de xelu, esta vegada con peres del país, que de xuru convertirase n’otru ésitu atayante.

(Visited 685.316 times)
A.M.V.
https://www.lasidra.as
Nacía en Xixón en 1973, cursó los estudios de Filoloxía Inglesa en les Universidaes de Uviéu y Bradford (Reinu Xuníu). Trabayó de profesora d'inglés, guía ya intérprete y traductora. Ye una gran aficionada a la sidre y al bon xintar.

Dexa una rempuesta

La so direición d'email nun sedrá espublizada Campos obligatorios marcaos con *

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies