Inicio > Chigres > Lena recibe mañana’l distintivu ‘Sidreríes d’Asturies-Calidá Natural’
Chigres

Lena recibe mañana’l distintivu ‘Sidreríes d’Asturies-Calidá Natural’

El chigre atópase allugáu en Villaviciosa y defínese como una ‘sidrería gastronómica’

LA SIDRA.- La conseyera de Cultura, Política Llingüística y Turismu, Berta Piñán, va faer entrega mañana a les 13:00 hores del distintivu qu’acredita como miembru de  la marca Sidreríes d’Asturies-Calidá Natural a la sidrería L.lena, allugada en Villaviciosa. Nesti actu tamién va participar la viceconseyera de Turismu, Graciela Blanco. Esa mesma mañana, a les 11:30, Piñán va faer entrega d’otres reconocencies, el de ‘Meses d’Asturies-Escelencia gastronómica’ al restorán Puebluastur en Parres.

Foi en marzu de 2018 cuando Lena abrió les sos puertes. “Ye un chigre gastronómicu por demás especial –col sellu del xef con estrella Michelin Jaime Uz- que revisa les recetes de siempres pa convertiles en propuestes úniques. Ente elles puen atopase delles como la Ensaladilla rusa con centollu, los Pulpinos guisaos con pataques y manines o, poques gracies, les sos versiones revisaes’ (mar y monte) del Cachopu, el platu de la cocina asturiana del que tol mundu fala. Pero, amás, lo que lo convierte nun llugar únicu ye la inédita selección de sidres nacionales ya internacionales que completen una carta na que tamién se puen atopar vinos, xampañes y risonderes opciones de coctelería, ente les que rellumen delles como Lena Fizz, el preferíu de la vecería” desplicaron dende l’establecimientu.

Con Lena, son 25 los chigres que llograron la citada marca de calidá, de los postreros en consiguilo fueron tamién La Montera Picona de Ramón en Xixón, El Ferroviariu n’Uviéu o Feudo Real en Grau.

(Visited 884.633 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies