Inicio > Encamientos > La Consistorial, l’arte de la cocina tradicional asturiana
EncamientosGastronomía

La Consistorial, l’arte de la cocina tradicional asturiana

Esti céntricu restorán mierense, ganador del Meyor Pote d’Asturies 2018, apuesta poles recetes de tola vida, destacando los sos pucheros

LA SIDRA.- Esti restorán mierense, allugáu na plaza del Conceyu y rexentáu dende 1995 polos hermanos José Luis y Juan Manuel Díaz Permuy, convirtióse en tou un emblema de la ciudá gracies a la so cocina tradicional asturiana, esa que se foi perdiendo col tiempu, pero qu’en La Consistorial caltiense como seña d’identidá.

La receta ye cenciella: “ingredientes de primera calidá seleicionaos con pricuru; cocinaos, calteniendo la tradición, con pacencia y enforma ciñu, y ameyorando a base d’ellaborar los mesmos platos tolos díis”, apunta Juan Manuel. Un claru exemplu d’ello ye la so fabada finalista los postreros cinco años del concursu “La Meyor Fabada del Mundiu”– y el so pote asturianu –ganador del certame “Esplorando’l Pote Perfechu” en 2018–, que tán na carta y puen tastiase cualisquier díi de la selmana.

Otru de los sos puntos fuertes son el so menú del dí y los menús de fin de selmana. Ensin escaecemos tampoco de les sos escelentes carnes y pexes, ellaboraos de la forma más cenciella pa potenciar el productu. Amás, cuasique tolos meses, ellaboren distintes xornaes gastronómiques como les de carne fresco de gochu ibéricu d’abiyota, pulpu, bacalláu, bonitu o una de les sos más populares, la de carnes del mundiu. Esti negociu cunta con trés comedores con una capacidá pa unos cien comensales, pudiendo esfrutar de la sidra de Trabanco, normal y d’Escoyeta, nel de más aforu y na barra del llocal.

Plaza de la Constitución, 1, 33600 Mieres, Asturies T. 655 93 85 72

(Visited 839.345 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies