Inicio > Cultura sidrera > Importantes novedaes na Fiesta la Sidre de Xixón
Cultura sidreraLlagaresSidreturismu

Importantes novedaes na Fiesta la Sidre de Xixón

Nesta edición nun habrá xuráu pa la tastia popular, polo que la sidre namás la valorarán un tribunal especializáu

LA SIDRA.- Cuenta trás pa qu’escomience la XXVIII edición de la Fiesta de la Sidre de Xixón declarada d’Interés Turísticu Rexonal. Llevaráse a cabu del 19 al 25 d’agostu y nesti 2019 va cuntar con importantes novedaes, toes elles consensuaes colos ellaboraores participantes y en sintonía col Decálogu de la ASSA, l’Asociación de Llagareros, un documentu qu’espublizaron l’añu pasáu y nel que s’intenta dignificar la bébora asturiano por antonomasia.

L’espíritu y el conteníu de la programación va siguir siendo’l mesmu, sicasí, hai que siñalar que nesta edición nun va haber tastia nin xuráu popular. La sidre va valorase namás por un tribunal profesional especializáu.

Tampoco van istalase esti añu zones reservaes, les conocíes como zones VIP, que se solíen allugar detrás de los stands, polo que’l públicu va ganar n’espaciu y comodidá.

La valoración per parte del xuráu profesional va realizase en dos fases, en xueves y en domingu. Amás, la tastia final, la del domingu, rializaráse de manera abierto al públicu, sobro l’escenariu de Plaza Mayor de magar les 12:30 hores.

Per otru llau, los yá tan tradicionales y populosos ‘cancios de chigre’ van rializase de nueu na nuechi del sábadu, pero nesta edición programóse un gran ensayu’l díi enantes, el vienres, tres el récord d’echáu.

Coles mesmes, nesta edición va poder ganar l’Aponderamientu d’Oru cualisquier sidre que se presente, non solo les que pertenezan a los llagares que cunten con stand a la fiesta. Pero hai bien de más y tou ta na ueb del conceyu de Xixón: https://www.gijon.es/

(Visited 640.022 times)

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies