Cellebraráse’l prósimu 24 setiembre nel Parque Zapardel de Lluanco
LA SIDRA.- La idega escomenzó a ferver na tiesta de delles presones gozonieques, valorando la posibilidá de que’l Conceyu Gozón toviere’l so propiu eventu de sidre casero, aniciándose al pocu l’Asociación de Sidre Casero de Gozón-Cabu Peñes.
Esta asociación naz col enfotu de fomentar, compartir, tresmitir y puxar pola Sidre Casero de Gozón, d’Asturies y en xeneral pola cultura sidrera asturiana, entamando delles actividaes al cabu l’añu, toes elles rellacionaes cola sidre y la mazana.
Ello asina, y comu primer actividá pública, convoquen pal domingu 24 setiembre el Ier Concursu de Sidre Casero del Conceyu Gozón, que tendrá llugar a les 12 del meudíi nel Parque Zapardel de Lluanco.
Como davezu, habrá degustación de tola sidre participante, mercando previamente’l vasu comemorativu.
Dende la revista LA SIDRA saludamos l’aniciu d’esta nuea asociación sidrera, y felicitámoslos pola convocatoria d’esti nueu eventu sidreru, animando a tolos llagareros de Gozon a participar, y a tolos/es sidreros/es a averase fasta Lluanco pa esfrutar de la bona sidre casero del conceyu.
