Inicio > Encamientos > Harmonizaxes con sidre, Amares Gastronomía
EncamientosGastronomía

Harmonizaxes con sidre, Amares Gastronomía

Semeya: David Aguilar Sánchez

El restorán amuesa estremaes propuestes de maridaxe con ocho bebíes ellaboraes con mazana

LA SIDRA.- La sidra ye una bébora presente nos cinco continentes y ca vegada ocupa un puestu de mayor relevancia dientru’el mercáu de bébores gourmet. Na revista LA SIDRA del mes de setiembre, encamentamos ocho marques nacionales ya internacionales acompanges pola curiada y creativa cocina del restorán Amares Gastronomía, nel hotel NH de Xixón, un de los sitios más d’encamentar de la ciudá pa esfrutar tantu de les sos ellaboraciones culinaries, como del so allugamientu, yá que s’atopa a unos cuantos metros de la sablera. De siguío dexámos-yos con un par propuestes del xefJosé Ramón Otero, lo mesmo que del so segundu de cocina, Alejandro Fernández. El restu, xuntu colos harmonizazes, puen consultase na espublización tantu online como en papel.

Cochinita pibil: Reinterpretación d’un de los platos más tradicionales de la cocina mexicana. El puntu partida ye la receta orixinal na que la carne de gochu marínase en achiote (grana orixinaria d’América bien apreciada na cocina llatinoamericana yá que funciona como collorante y tamién como condimentu). Na cocina d’esti restorán garren la carne de gochu a baxa temperatura, depués endólquenlo n’una tortiella de trigu y tostar con panko (una especie de pan arralláu que s’utiliza na cocina xaponesa). Sirven el platu en forma de piqueños taragaños ya inclúin crema d’achiote y cebolla morada encurtida.

La perlla Amares: Como’l so nome indica, ye un de los platos identificativos del restorán. Trátase d’un Brioche de plancton rellenu d’un guisu de calamar y espardeña. “La estructura ye un pocu complexa d’ellaborar. Endolcamos lo que ye’l guisu con un ocle, de normal llechuga de mar, depués rebozámosla col yá mentáu brioche de plancton y túrriase tou aguantando la estructura por que tenga esa forma reonda. Darréu pintamos en bronce y acompangamos esti platu d’una ensalada de Wakame” puntualizó Otero.

(Visited 891.007 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies