Inicio > AS > Noticies > Gerardo Menéndez y Luis Benito García, los sos deseyos pa la sidre
Noticies

Gerardo Menéndez y Luis Benito García, los sos deseyos pa la sidre

El llagareru y l’investigador presllen la ronda de lo qu’esperen pal seutor sidreru nesti nuevu añu.

LA SIDRA.- Demientres el mes de xineru esta espublización foi presentando los deseyos que tienen pa la sidre distintos actores del seutor. Nesta postrer entrada damos voz a un llagarero y a un especialista sobro la sidre, dos puntos de vista sobro la nuesa bébora tradicional que demuesen la relevancia de la sidre nel nuesu país. Gerardo Menéndez, de Sidra Menéndez señala: “El mio deséu ye que seya un añu nel que la sidre tea una calidá alto, creo que sí la tendrá. Que siga trespasando fronteres y que la xente aprécielo pola calidá y non porque seya una bébora económico. Que la sidre con Denominación d’Orixe Protexía siga consolidándose porque considero que la sidre ye cultura y una fonte de riqueza pal campu asturianu entá ensin esplotar. Creo que la sidre adscrito a la DOP tien un futuru prometedor si toos faemos les coses bien: collecheros, ellaboraores y hosteleros. Amás, acabamos de llanzar una marca nueva, Llagar de Quintana”.

 

Pela so parte, l’investigaor y especialista Luis Benito García manifiesta que: “Obviamente deseyar lo meyor pal seutor sidreru y toa cultura xenerada al so alrodiu, porque sedría non solo bono pal ramu, y sinón tamién p’Asturies en xeneral. Nun se debe escaecer que la sidre ye’l nuesu productu más identitariu”. Tocántenes a los proyeutos que tien sobro la sidre, la so hestoria y la so cultura, l’investigador siñaló que “son numberosos” anque, dao la situación d’anguañu, “invidables”.  

(Visited 1.223.455 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies