L’Asociación Llugones Muévese anunció’l so determín de nun entamar la Preba Popular de la Sidre pola ausencia del ingresu del dinertu otrogáu pol Ayuntamientu-y otorgó al colleutivu. Por embargu caltienen la fiesta de la cerveza.
LA SIDRA.- La que sedríe la cuarta edición de la Preba Popular de la Sidre de Llugones esapaez sigún despliquen los entamores porque “Ensin cobrar entá la sovención de 2015 y énte los ellevaos costes fixos qu’acarreta l’actividá, la direrutiva de l’Asociación Cultural Llugones Muévese decidió por unanimidá nun entamar esti añu lo que sedríe la IV Preba Popular de la Sidre de Llugones 2016”.
Por embargu lo que sí caltendrán ye’l Festival de la Cerveza, a la qu’anuncien van destinar los esfuercios d’esti añu.
Dende LA SIDRA, conoceores de los munchos gastos qu’acarreta entamar actividaes d’esti xeitu y de la falta de sofitu istitucional que se carez n’Asturies pa toles iniciatives asturianes, somos quien a atalantar la situación, y namás llamentamos que de tener que prescindise de dalgún de los dos eventos s’escoyere’l de la sidre, y non el de la cerveza, siendo comu ye la sidre la nuesa bébora patria y la cultura asturiana de la sidre Bien d’Interés Cultural.
