Inicio > Sin categoría > Entamu LA SIDRA de Mayu’23 (Nb. 229)
Sin categoría

Entamu LA SIDRA de Mayu’23 (Nb. 229)

Entamu

Avanzando, el panorama sidreru avanza de forma espectacular; nestos meses atrópense eventos y anúnciense otros nuevos n’una dinámica ascendente d’una intensidá poques vegaes conocida.

Acaba rializase’l Salón Gourmet con una fuerte presencia asturiana y especialmente de la nuesa sidrw, ¡y col Mundial d’Echaores!. Yá se procedió a la entrega de los premios del XV Concursu Semeyes LA SIDRA ya inaugurao la esposición coles semeyes ganaores Sotrondio, Valdesoto, Tapia, La Felguera, cellebraron les sos xornaes de la sidre; Mieres celebró’l so ‘Folixa na primavera’ más sidrera de la hestoria. El Muséu de la Sidre escomienza a movese, anúnciense pa finales de mes les XXXIV Xornaes de Platos a la Sidre en Nava y yá espunta para xunu’l Salón de les Sidres DOP Sidre de Asturies, tou un referente nel panorama sidreru asturianu.

Destacar, por supuestu, les Xornaes de Platos a la Sidre de Nava, ún de los primeros eventos gastronómicos asturianos y pioneru a nivel mundial nel usu de la sidre como ingrediente gastronómicu. Una oportunidá escepcional pa comprobar les múltiples posibilidaes de la nuesa bébora patrio nos fogones, de tastiar auténtiques esquisiteces nes que tradición ya innovación van de la mano, y que gracies a la sidre algamen niveles sublimes. Toa una esperiencia que convien nun perder.

¿Qué dicir de merenderos y sidreríes? Que da gustu veles, ver el movimientu de veceros de toles edaes qu’esfruten de les munches posibilidaes qu’ufierten. ¿Y de les fiestes de prau? Que tán caleciendo motores, porque tienen la intención de superase fasta onde seya posible. ¿Y de los concursos de sidre casero? Que los esperamos como augua de mayu.

Muévese, el mundiu la sidre muévese como diba tiempu que nun lo faía.

Onde nun progresa como debiera ye nel campu políticu… vamos siguir aportunando fasta onde seya preciso na necesidá d’un Plan Estratéxicu de la Sidre y la Mazana, nun puede avanzase ensin élli, ye urxente ya inevitable.

(Visited 2.601.482 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies