Inicio > Opinión > Entamu LA SIDRA de Marzu (Nb. 239)
Opinión

Entamu LA SIDRA de Marzu (Nb. 239)

Entamu

Llega marzu y salta la sospresa, de sópitu la Primer Sidre l’Añu, una de les espresiones más dinámiques de la cultura asturiana de la sidre, ve prohibía la so realización nel so espaciu primixeniu y natural, el Muséu del Pueblu d’Asturies. L’argumentu comunicáu a los entamaores ye una llexislación de 2015 -inaplicada fasta agora a dengún otru eventu- que prohibe’l consumu de bébores alcóliques en “centros de les alministraciones públiques”.

Sosprendentemente escarez d’importancia la llexislación asturiana al respective de la sidre, que l’eventu seya ún de los pocos declaraos pol Conceyu de Xixón como d’Interés Social, que la cultura asturiana de la sidre fuera declarada pol Principáu d’Asturies Bien d’Interés Cultural dende 2014, y qu’esti añu s’espere la so reconocencia pola UNESCO como Padremuñu Inmaterial de la Humanidá.

De sópitu, una espresión de la cultura asturiana de la sidre pasa a ser tratada como si fuera un botellón, y propónse que –una espicha como ye la Primer Sidre L’Añu- pase de realizase nel Muséu del Pueblu de Asturies a la Plaza Toros.

Nun hai llóxica.

Pero ye que, acullá de lo que pueda representar pa la viabilidá de dichu eventu, la gravedá finca na indefensión na que s’atopa la nuesa cultura asturiana de la sidre. ¿Qué más da que seya Bien d’Interés Cultural, o que seya reconocida pola UNESCO, si a la hora la verdá ye discriminada y escorrida d’esta miente?

Ye un mal empiezu pa esti mes que, d’otra manera, escomienza a dar amueses d’un importante dinamismu, coles primeres espiches y la convocatoria d’iniciatives venceyaes a la sidre, como’l X Axuntábense de los Siceratores, la recuperanza del Barriu de la Sidra en Xixón, y los pasos ca vuelta más firmes de Cider Cities, la Rede Europea de Ciudaes de la Mazana y la Sidre con capitalidá en Xixón y que yá venceyó a ciudaes de seyes estaos con esti proyeutu.

Ente otres coses por eso duel tanto la discriminación que carez la Primer Sidre L’Añu, porque habiendo tanto dinamismu y progresión de la nuesa cultura sidrera, non pueda siguise trabayando con normalidá y hebia que perder tiempu y enerxíes en responder a agresiones inxustificaes.

Nun pasa ná, vamos siguir avanzando.

 

 

Pa recibir el PDF de la revista fai falta tar dáu/da d’alta nel whatsapp de LA SIDRA ¡Gratis!

 

(Visited 2.653.191 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies