Inicio > Eventos > El X SISGA cellebraráse n’ochobre
EventosGastronomíaInternacionalLlagaresSISGATasties

El X SISGA cellebraráse n’ochobre

La décima edición del Salón Internacional de les Sidres de Gala –SISGA– cellebraráse finalmente los prósimos 22 a 25 d’ochobre

LA SIDRA.- Tres un retrasu sobro la fecha avezada de cellebración, na que la Fundación Asturies XXI -entamaora deL certame- tuvo esperando a ver si normalizaba l’andanciu que carecemos, y en viendo la evolución, optaron por nun demorar más esti eventu internaccional y afayase a les nueves circustancies  adoptándose un modelu semipresencial, que garantice’l cumplimientu de les midíes sanitaries que la situación requier.

El  X SISGA cellebraráse del 22 al 25 d’ochobre, de forma telemática y presencial. No que cinca a la parte presencial, les actividaes previstes son el concursu de les meyores sidres de Gala, la tastia y harmonización de la sidre premiao con estremaes propuestes gastronómiques, no que sedrá un Brunch de Gala y a la fin, la entrega premios.

Nel concursu del SISGA vienen participando nos postreros tres años más d’ochenta sidres en ca edición, estremaes por categoríes: de copa, d’espolleta, de pera, llicores, auguardientes… Afitándose cuatro modalidaes de premios: oro, plata y bronce sigún la puntuación algamao, y Premium, a la meyor sidre dientru de ca respeutiva categoría.

En cuantes al Brunch de Gala, nel que se procede a l’harmonización de la sidre premiao con estremaes propuestes gastronómiques, esti añu cellebraráse nel Restorán El Duque, cuya cocina ye una de les más afamaes d’Asturies, teniendo ente otres distinciones la de Premiu Platu d’Oru de la Gastronomía Nacional 2016.

BRUNCH DE GALA / PREMIOS SISGA/ SALÓN INTERNACIONAL DE LES SIDRES DE GALA

Ver info SISGA’19

 

 

(Visited 2.445.299 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies