Inicio > Encamientos > Sidre: el secretu de la llonxevidá
EncamientosInternacional

Sidre: el secretu de la llonxevidá

Joshua Kelly cellebra’l so 100 cumpleaños con sidre y diz que ye un de los secretos pa una llarga vida.

LA SIDRA.- El centenariu veteranu de la II Guerra Mundial atribuyó la so llonxevidá a una cenciella atividá diaria: beber sidre.

El díi 3 de xineru cellebró’l so cumpleaños entamando una gran fiesta nel pub qu’incluyía a munches xeneraciones de la so familia y tamién los sos collacios.
L’inglés Joshua Kelly cellebró’l finxu del so cumpleaños nel mesmu llugar al que va tolos díis, el chigre’l pueblu.

Revelando’l secretu de llegar a los 100 años, dixo: “Beber sidre tolos díis podría ser la causa, ya escapar de los enemigos. La sidre y tener suerte”.
Kelly apuntóse nel exércitu cuando tenía 18 años y pasó años sirviendo en Bélxica, Exiptu y Chipre.

Dempués treslladóse a Exeter y formó una familia, tornándose a la fin n’albañil.

A lo llargo los años una cosa foi costante na so vida: el so amor pola sidre.

Cuasque tolos díis, ensin falta, Joshua esfruta del so paséu diariu que siempre fina n’ún de los sos establecimientos favoritos: el Whipton & Pinhoe Labour Club o The Half Moon pub y The Village Inn en Whipton Village.

(Visited 822.490 times)
Compartir
A.M.V.
https://www.lasidra.as
Nacía en Xixón en 1973, fice los estudios de Filoloxía Inglesa nes Universidaes de Uviéu y Bradford (Reinu Xuníu). Trabayé de profesora d'inglés, guía ya intérprete y tradutora. Soi una gran aficionada a la sidre y al bon xintar. Sígueme na ueb www.ciderayalga.com

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies