Inicio > AS > Tasties > El guipuzcoanu Miguel Cavero ganó’l IX Concursu Semeyes LA SIDRA
Tasties

El guipuzcoanu Miguel Cavero ganó’l IX Concursu Semeyes LA SIDRA

Martín Pérez llogró’l primer accésit y José Manuel Parapar el segundu y el premiu especial JR

VER SEMEYES ESBILLAES

LA SIDRA.- Na xunta del xuráu que tuvo llugar na tardi nueche d’ayeri, concedióse’l primer premiu a la semeya “L’Heriedu de la Sidre”, del guipuzcoanu Miguel Cavero, el primer accésit a Martín Pérez d’A Coruña, y el segundu accésit y el premiu especial JR foi pal entreguín José Manuel Parapar, pola so obra “El corresponsal” y “Al otru llau”, respeutivamente.

 

Asina mesmu esbillaron les 20 meyores semeyes que van formar parte de la esposición que se naugurará el prósimu vienres 5 de febreru na Sidrería xixonesa La Galana.

El xuráu tuvo compuestu por:

•             Carlos M. López. Camala.Fotógrafu, como presidente del xuráu

•             Pedro Gutiérrez, Grupu Fotográficu Zona 5

•             José Pañeda, fotógrafu

•             Jorge Fanjul, infografista de atelier plus

•             Marcos León, fotoperiodista de La Nueva España

Y les delliberaciones del mesmu tuvieron abiertes al públicu por que pudieren asistir a les valoraciones del xuráu.

Nesta novena edición del Concursu Semeyes LA SIDRA participaron un total de 73 fotógrafos de 9 países distintos, anque la mayor participación foi asturiana, siguía de la vasca, presentándose un total de 253 semeyes.

Los premios otorgaos tienen una dotación de:

•             Imaxe ganaora dotada con 700 € en metálicu y llote de llibros y productos sidreros.

•             1 Accésit con una dotación de 200 € en metálicu más llote en llibros y productos sidreros .

•             2º Accésit con una dotación de 100 € en metáico más llote en llibros y productos sidreros

•             Premiu especial “Sidra JR” dotáu con dos caja de sidre del mentáu llagar.

El Concursu Semeyes LA SIDRA cunta dende’l so aniciu col sofitu del Llagar JR y la collaboración de la Sidrería La Galana de Xixón, siendo, con nueve ediciones, el más antiguu de los esistentes  que tien comu temática a la sidre, y el que cunta con mayor  participación y más presencia internacional, anque demientres estos nueve años d’esistencia, apaecieron  iniciatives asemeyaes  tantu en Asturies (Concursu de la DOP), como nel País Vascu, y l’estáu de Hessen n’Alemaña.

(Visited 598.583 times)

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies