Foro denuncia’l tratu discriminatoriu de la sidre asturiano en beneficiu’l cava na RTVE y propón midíes concretes pa que la sidre esplumoso asturiano reciba un tratu igualitariu.
LA SIDRA.- Isidro Martínez Oblanca, acabante de nomar diputáu por Asturies vien de denunciar la discriminación que carez la sidre asturiano en beneficiu del cava, afirmando que “Na machacona campaña de promoción del consumu del cava catalán en RTVE, ye inxustificable qu’ente les bébores esplumoses enxamás nun se mencione la sidre asturiano o sidre brut, comu reclamu pal consumu pola so calidá y preciu insuperable”.
Nesi sen anunció la presentación d’una iniciativa énte la Comisión de Control de RTVE solicitando a RNE y TVE que los sos espacios de divulgación apliquen un manual d’estilu qu’incluya la sidre esplumoso asturiano al mesmu nivel qu’otres bébores asemeyaes, comu ye’l casu del cava.
Con esta iniciativa Oblanca afirma nel so comunicáu que busca evitar l’efeutu “discriminatoriu de reclamu que tien la publicidá encubierto del cava catalán”, considerando que la TPA debiere “tomar bona nota” de lo que ta ocurriendo y tomar les midíes afayaices pa contrarrestar estes campñaes d’otres televisiones públiques.
