Inicio > Cultura sidrera > Checos y eslovacos cellebraron San Nicolás na Foz de Morcín
Cultura sidreraGastronomíaSISGA

Checos y eslovacos cellebraron San Nicolás na Foz de Morcín

L’asociación, con alrodiu 40 miembros, llevó a cabu una de les sos fiestes más tradicionales; esfrutóse de la gastronomía centrueuropea y brindóse con sidre

LA SIDRA.- San Nicolás acompangáu d’un ánxelu y un traviesu diablín viaxaron fasta’l C.P. de La Foz de Morcín pa cellebrar la so propia anomástica. El motivu foi aconceyar a los más de los sos integrantes, checos y eslovacos residentes en tierres asturianes. Y ye qu’un de los oxetivos de l’asociación ye, per una parte, clatener vives les tradiciones que los carautericen, pero por otra, dar a conocer la so cultura a tou aquelli que quiera interesase pola hestoria d’estos pueblos del cientru d’Europa.

L’asociación entamó una de les tradiciones más sinificatives de dambos países: una nuechi anantes de la propia cellebración de San Nicolás, esti mesmu santu, acompangáu d’un ánxelu y un diablín visiten les cases de tolos neños y neñes pa lleer nun llibru les aciones bones y males que fexeren demientres l’añu. Si estos quien recibir regalu, tienen qu’interpretar un canciu navidiegu, recitar daqué poema o tocar dalgún istrumentu. Una vuelta fecho esto, reciben el presente.

Otru puntu que tien de destacase son los platos chechos que se llevaron al aconceyamientu. Ente ellos sirvióse chucrut, col formientada con cenadoria, mazana, sal y comín checu. Amás del que se llevó espresamente pa la ocasión, na fiesta tamién se tresnó in situ cortando y pisando la col a la manera tradicional. Na xinta tamién s’echó sidre asturiano y pa brindar bebióse sidre esplumoso checo de llagares que participaren nel pasáu Salón Internacional de les Sidres de Gala en Xixón.

Y los postres… los postres llevaron la palma. En Chequia y Eslovaquia esfuérciense al másimu na so ellaboración y ca familia tien la so propia receta. De fechu rializóse un taller de galletes navidiegues con tolos neños; y ama´s llevóse a cabu un concursu dulces y postres del que resultó ganaora Jana Procházková.

Tamién hai de siñalar que nesti San Nicolás quinxo reconocese l’importante llabor de Jarmila Řezníčková, una de les aniciaores de l’asociación.

(Visited 884.638 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies