Inicio > AS > Noticies > Cancios de chigre na Gascona
Noticies

Cancios de chigre na Gascona

Los grupos sedrán Ñeru de Ra, Jóvenes Carrozas, la Noceda, Peña Nalón y Ochote Campoamor.

LA SIDRA.-  Continúa la V Amuesa “Cancios de chigre na Gascona”. Esta eshibición, entamada por “El Bulevar de la sidre” llevaráse a cau tolos xueves d’avientu fasta abril. Los chigres que participen son La Manzana, La Noceda, El Pigüeña, La Pumarada y tierra Astur Parrilla.

Güei, de magar les 20:30 hores, los “Cancios de Chigre” dexaránse oyer pela mítica cai uvieina. El coru polesu “Neru de Ra” canciará en La Pumarada; los componentes de “Jóvenes Carrozas” tarán na sidrería La Manzana, La Bandina Los Gascones na sidrería La Noceda; el coro Peña Nalón intervendrá en Tierra Astur parrilla; y el Ochote Campoamor canciará los cancios asturianos más populares en El Pigüeña. “Ca xueves, el Bulevar de la sidre permite canciar y pasalo bien a tolo que deseye” indiquen dende l’asociación.

Gascona ye la cai sidrera por escelenci an’Uviéu. L’asociación compónenla 13 chigres que, xunciendo esfuercios a lo llargu l’añu, rialicen estremaes actividaes pa que los sos veceros y visitantes esfurntes de diferentes actividaes siempres alcordies cola tradición y cultura de la sidre y de los productos gastronómicos asturianos.

Dempués de la so prohibición, los cancios de chigre resurden con fuercia –como suel pasar con estes coses-. Recordemos, por exemplu, l’ésitu que tuvo tamién el I Alcuentru Llibre de Cancios de Chigre Y Chigres que se cellebró’l pasáu 8 setiembre na Plaza Requexu en Mieres del Camín. Pesia que munchos duldaben de l’afluyencia de xente, tuvo atarraquitao. Una amuesa de que, lo mesmo que la sidre, los cancios asturianos siguen prestando y atrayendo al públicu de toles edaes.

(Visited 1.650.606 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies