Inicio > Gastronomía > ¿Asador de mazana? ¡Pídolu!
Gastronomía

¿Asador de mazana? ¡Pídolu!

Son pieces de cerámica, o inclusive de fierr, qu’amás de cocinamos un ricu postre, tamién arumen la nuesa xinta o cena

LA SIDRA.- Nestes fiestes tuvimos qu’afaemos a les nueves restriciones. Y magar echamos de menos los chigres, qué tanto… intentemos allegramos un pocu y –cumpliendo con toles midíes de seguranza y encamientos indicaos– preparar ensundioses xintes o cenes en casa; yá seya coles presones con quien convivimos o col nuesu grupu burbulla, sigún seya’l casu.

Pos foi n’una d’estes xuntes de cuatro participantes onde pudimos conocer l’asador de mazana.  Hai de mentar que la anfitriona foi una moza natural de Chequia a la que-y regalaren el citáu artiluxu. Con éses, esti consiste n’una pieza de cerámica del tamañu de la mazana que va a introducise y que s’abri pwla metá. Una vegada zarrada col debíu frutu dientru, ponse enriba d’un pie del mesmu material, un fornín, nel qu’entra una vela piqueña.

Asina, en dicha estructura, la mazana va rustiéndose amodo. Pero atención: hai que ponela con abondu tiempu pa que quede bien asada. Por exemplu, al entamu de la xintao de la cena. Un piqueñu furacu nel cénit de la estructura fai que los vapores de la coción vaigan remaneciendo delicadamente arumando la estancia.  Yá podéis maxinar la resultancia. Amás esti asador déxamos ser creativos una y bones tamién dexa espaciu para amestar zucre, anís, canela o otres especies.

(Visited 1.036.850 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies