Inicio > Encamientos > La sidre nun ye namás pa beber
EncamientosGastronomíaTasties

La sidre nun ye namás pa beber

Otres formes d’esfrutar de la bébora asturiano por escelencia.

LA SIDRA.- Anguaño hai munches formes d’esfrutar la sidre, non yá bebiéndola. Obviamente, nun ye lo mesmo, pero pa los llambiones ufiértense munchos productos que van faer les delicies de los sos paladares.

Villa Melba, de Borines Selección, ufiértamos la so marmiellada de sidre 100% natural y un pack de cuatro especialidaes Premium ente les que s’atopa una xelatina de sidre ellaborao con sidre natural.
Per otru llau, Don Ramiro preséntamos la so marmiellada artesanal de mazana con sidre natural. Y La Gijonesa, amás de comercializar la so marmielladade sidre, tamién la ufierta en cestes de Navidá que contienen otros produtos sidreros como bombones, sidre Xiz Frizzante o Roxmut.

Les pastes de sidre son una saborgosa oción, comercializaes por empreses como Borines Selección y feches en Les Arriondes, ellaboraes con fariña de trigu, margarina, güevos, aceite de xirasol y llicor de sidre y en formatu de doce unidaes. Tamién podemos atopales nuna caxa redonda metálica de 400 gramos, ellaboraes con una receta casero y tradicional, al traviés de la empresa Origen Asturias.

Y, al igual que pel branu podemos esfutar d’un refrescante xeláu de sidre ellaboráu na xeladería Islandia, nun pué faltar nestes fiestes el turrón de sidre y mazana comercializáu por Crivencar.

A lo cabero, pa los amantes del chicolate, ná meyor que probar unos deliciosos bombones de sidre. La Gijonesa ufiértalos dientro de caxes de seis unidaes qu’asemeyen les tradicionales casetes de bañu de San Llorienzu en trés collores, azul, colloráu y verde. Ellabórense con chicolate con llechi, nata, mantega, mantega de cacáu, aguardiente de sidre Salvador, de San Juan del Obispo y sidre natural.

Pela so parte, Monte Naranco amiesta a los bombones de chicolate con llechi, los de chicolate prietu, toos ellos ellaboraos con auténticu chicolate belga, nata, oruxu de sidre y sidre natural, de la man del conocíu reposteru Jose Antonio Darriba, que’l so ésitu dio pie a que tenga que patentar los moldes colos que los ellabora. Preséntense en caxes de doce unidaes, seyes de ca variedá.

 

(Visited 4.843 times)
A.M.V.
http://www.lasidra.as
Nacía en Xixón en 1973, cursó los estudios de Filoloxía Inglesa en les Universidaes de Uviéu y Bradford (Reinu Xuníu). Trabayó de profesora d'inglés, guía ya intérprete y traductora. Ye una gran aficionada a la sidre y al bon xintar.